adek - assalammualaikum mak,
mak - haa waalaikumsalam. semalam napo tak tipon mak. pueh lah dek nunggu ea
adek - omak la tpon adek.
mak - pandai kau! mano kau blaja omak telepon anak?
adek - buleh yo omak telepon anak. bilo anak xdo kredit. omak la yang kono telepon. hahahhaa
( ketawa berderai)... mak, cam no nak buek kue puding jagong. adek dah buek aghi tue. tak jadi.
mak - ko boli topong kastat tue, jagung dalam tin tue, mughah yo. peh tu boli santan.
adek - apo lak nak buek dongan santan?
mak - buek mandia an kau. bia coghodik lobih ckit.
adik - sampai ati omak nak mandi an adek santan. ari tu tak jadi adek tak lotak santan lah agak ea. adik ubuh air yo.
mak - ayoo boto lah kau ni! mano kau balaja. botuah boto budak nie!
adek - takpo takpo, peh ni adik ubuh santan yo.
mak - dah lah dek yo.. potir kuek bona ha. takut lak omak. pokak kang tak dapek donga laie kang. yo lah yo.. waalaikumsalam.
adek - bilo pulak adek bagi salam. tak nyompek-nyompek lah omak ni.
mak - yo ko? ha yo lah yo.
adek - yo lah mak. assalammualaikum.
mak - waalaikumsalam.
No comments:
Post a Comment